Творения

Равноапостольный Философ Кирилл

Закладки
Размер шрифта
A   A+   A++
Cкачать
Читать
Творения (Равноапостольный Философ)

ПРИГЛАСИЕ СВЯТОУМУ ЕВАНГЕЛИЮ

Яко пророци / прорекли сутъ прежде, Хрестъ грядетъ / съберати языкы, Светъ бо естъ / вьсему миру сему 5–6 Реша бо они / Слепии прозьрятъ, Глуси слышятъ / слово букьвеное. Бога же убо / познати достоитъ. Того же дьл'я / слышите, Словене, си. 10 Даръ бо есть / отъ Бога се данъ. Даръ Божии / естъ десныя чясти. Даръ душамъ / николиже тьл'ея. Душамъ темъ / яже и приимутъ. Матфеи, Маркъ, / Лука и Іоанъ 15 Учятъ весь / народъ глагол'юште Елико убо / душамъ си лепоту Радуете ся / видети и л'юбите. Греховьную / тьму отогьнати И мира сего / тьл'ю отъложити, 20 И раискою / житию приобрести, И избежати / отъ огн'я горушта, Въньмете ны / от своего ума. Слышите убо, / народи Словеньсти. Слышите слово, / отъ Бога бо приде. 25 Слово же кръмя / чловечьскыя душя. Слово же крепя / и сръдьце и умъ, Слово готовя / вься Бога познати. Яко бе — света / радость не будетъ Оку видяшту / Божию тварь вьсю. 30 Не без лепоты / не видимою естъ, Тако и душа / вьсека без букъвъ, Не сведушти / ни закона Божия, Закона иже / на греховьнааго, Закона раи / Божии явл'яюшта. 35 Кыи бо слухъ / громьныи тутьнъ Слышя можетъ / Бога не бояти ся; Ноздри же пакы / цвета не ухаюштя Како Божие / чудо разумеютъ; Уста бо яже / сладъка не чуютъ 40 Яко камена / творятъ человека. Паче же сего / душа безбукъвьна Явл'яетъ ся / въ чловецехъ мрътва. Се же вьсе мы, / братие, съмысляште, Глагол'емъ вы / съветъ подобьнъ, 45 Иже чловекы / вься отлучитъ Отъ жития / скотьска и похоти Да не имуште / умъ неразуменъ. Туждемь языкомъ / слышяште слово, Яко медьна / звона гласъ слышите. 5 °Cе бо святыи / Павелъ учя рече, Молитву свою / воздая прежде Богу, Яко·Хошту словесъ / пять издрешти, Да и вьсе братия / разумеютъ, 55 Неже тъму словесъ / неразуменъ. Чьловекъ бо / не разумевая и Не прилежитъ / къ притъчи мудреи Съказаюшти / беседы правы намъ Яко бо тьл'я / плотехъ настоитъ, 60 Вьсе тьляшти, / паче гноя гнояшти. Егда своего / брашьна не иматъ. Тако душа вьсека / опадаетъ, Жизни Божия / не имушти до века. Егда словесе / Божия не слышитъ. 65 Ину же пакы / притъчу мудру зело Да глагол'емъ / подобаштую семя Хотяште расти / Божиемь растомъ. Иде бо веры / сеяи естъ правы, Яко семена / падаюшта на ниве, 70 Тако на сръдьцихъ / чловечьсцехъ. Дъжда Божии / букъвъ требуюшта Да въздрастетъ / плодъ Божии паче. Къто можетъ / притъчя вься решти Обличаюштя / бес кън'игь языкы, 75 Невегласы я / съмысльне гласяштя. Ни аште вься / языкы оумеетъ Можетъ съказати / немошть сихъ. Обаче свою / притъчу да приставл'ю, Мъногъ умъ / въ мале речи кажя. 80 Нази бо вьси / бес кън'игь языци. Брати cя не могуште / без оружия Съ противьникомъ / душъ нашихъ. Готовъ пленъ / въ мукы вечныя. Убо языци / не л'юбяштеи врага, 85 Брати же ся съ н'имъ / мысляште зело. Отврести двери / умомъ прилежите, Тверъдо нын'я / оружие имуште Еже ковутъ / кън'игы Господьн'я, Главу тьруште / неприязни вельми, 90 Боукъви сия / имьже приимете, Мудрость ихъ / душя вашя крепитъ. Апостоли же / съ пророкы въсеми, Иже бо сихъ / словеса глагол'юште 95 Подобъни будутъ / врага убити, Победу приносяште / къ Богу добру. Плъти бежяште / тьл'я гноевьныя. Плъти еяже / животъ яако сено. Не падаюште, / крепко же стояште, 100 Къ Богу явл'ьше ся / яко храбъри, Стояште о десную / Божия стола Егда огнемь / судитъ языкомъ, Радуюште ся / съ анг'елы въ векы, Присно славяште / премилостиваго, 105 Вьсегда акы / кън'ижьни песньми Богу поюште / чловекы милуюшту. Яко подобаетъ / вьсека слава, Честь и хвала / Богу, Сыну въину Съ Отьцемь / и святоутуму Духу, 110 Въ векы векъ / отъ вьсея твари. Аминь.

Предсмертная молитва

Господи, Боже мой! Иже еси Ангельския вся чины и безплотныя составль силы, и небо распен, землю основал, и вся сущая от небытия в бытие привел, иже еси всегда везде послушал творящих волю Твою, боящихся Тебе и хранящих заповеди Твоя, послушай моея молитвы и верное Твое стадо сохрани, ему же мя бе приставил неключимаго и недостойнаго раба Твоего. Избавляя вся от всякия безбожныя и поганскыя злобы, и от всякаго многоречиваго и хульнаго еретическаго языка, глаголюща на Тя хулу, погуби триязычную ересь, и возрасти Церковь Свою множеством, и вся в единодушие совокупль, сотвори изрядны люди, единомысляща о истинней вере Твоей и правем исповедании, вдохни же в сердца их слово Твоего учения, Твой бо есть дар. Аще ны еси приял недостойныя на проповедание им Евангелия Христа Твоего, острящася на добрыя дела и творяща угодная Тебе, еже мне бе дал, яко Твое, и Тебе предаю я, устрой я сильною Твоею десницею, покрый я кровом крилу Твоею, да вси хвалят и славят имя Твое, Отца и Сына и Святаго Духа во веки. Аминь.

Источник: А. П. Последния минуты жизни св. Кирилла Философа и брата его св. Мефодия, предсмертная молитва и прощальная «беседа-завещание». // «Странникъ», духовный журнал. — СПб.: Типография С. Добродеева, 1885. — Том I. — С. 581.

Алфавит

Похожие книги

Предложения

Copyrights and trademarks for the book, and other promotional materials are the property of their respective owners. Use of these materials are allowed under the fair use clause of the Copyright Law.