Текст Праздничной минеи на церковнославянском языке

Автор неизвестен

Закладки
Размер шрифта
A   A+   A++
Cкачать
Читать

РОЖДЕСТВО ПРЕСВЯТЫЯ ВЛАДЫЧИЦЫ НАШЕЯ БОГОРОДИЦЫ И ПРИСНОДЕВЫ МАРИИ

8 сентября

НА МАЛЕЙ ВЕЧЕРНИ

На Господи, воззвах: стихиры на 4. Глас 1.

Подобен: Небесных чинов:

Иоаким и Анна торжествуют, / Начаток рождше нашего спасения, / едину Богородицу, / с нимиже и мы празднуем днесь, / от корене онаго Иессеева / блажаще Деву Чистую.

От Анны днесь цвет, / сад Богоданный, / Богородица прозябе, спасение человеков, / из Неяже всех Зиждитель рождься паче ума, / Адамову очищает, яко Благ, / всю скверну благостию.

Кто довольно по достоинству пети возможет / от Анны неизреченно младенствующую Деву? / Горы убо и холми, сладость искапайте днесь: / всех бо жизнь и очищение / млеком питается, / Богородица Чистая.

Яже прежде неплодная страна / землю плодоносну раждает / и, от неплодныя утробы плод свят давши, млеком питает. / Чудо страшно Питательница Жизни нашея, / Яже Небесный Хлеб во чреве приемши, / млеком от сосцу питается.

Copyrights and trademarks for the book, and other promotional materials are the property of their respective owners. Use of these materials are allowed under the fair use clause of the Copyright Law.